2026-05-19T13:33:00+02:00
2026-05-19T13:33:00+02:00
2026-05-19T13:33:00+02:00
INFOTEP Dominikar Errepublikako Lanbide Heziketarako Institutu Nazionaleko delegazio batek TKNIKAk euskal LHa ezagutarazteko diseinatutako prestakuntzan parte hartu du. Gipuzkoako eta Bizkaiko hainbat LHko ikastetxe publiko bisitatu dituzte. Gainera, aukera aprobetxatu dute lankidetza-akordio bat sinatzeko.
INFOTEPeko ordezkaritzak TKNIKAren instalazioak bisitatu zituen, eta bertatik bertara ezagutu zituen erakunde horrek garatzen dituen berrikuntza-, ikerketa aplikatu- eta lanbide-heziketaren eraldaketa-prozesuak. Ibilbidean zehar, delegazioak interes handia erakutsi zuen Dominikar Errepublikan egokitu eta erreplikatu daitezkeen esperientziak, metodologiak eta irakaskuntza-ereduak identifikatzeko; batez ere, hezkuntza-berrikuntzari, eguneratze teknologikoari, gaitasunen bidezko prestakuntzari eta ekoizpen-sektorearen beharrekiko loturari lotutako arloetan.
Era berean, Hezkuntza Saileko ikastetxe hauen instalazioak bisitatu eta ezagutu zituzten:
- CIFP Miguel Altuna LHII
- CIFP Fraisoro LHII
- CIFP Tolosaldea LHII
- CIFP Don Bosco LHII
- CIFP IMH LHII
- CIFP Leioako Ostalaritza Eskola LHII
- CIFP Zubieta Lanbide Eskola LHII
- Ikaslan Gipuzkoaren instalazioak
Honako kide hauek osatu zuten ordezkaritza:
- Leonardo Manuel Gil, José R. Reyes Suárez, Mario Pujols, Aguie Lendor, Sol Amantina Delgado, Esperidón Villa Paredes eta Edgar Pimentel Yost: INFOTEPeko Nazioarteko eta Erakunde Arteko Gaietarako zuzendaria eta Maira Morla Pineda INFOTEP Lanbide Heziketa Teknikoko Institutu Nazionaleko zuzendari nagusia"
